Nag-abot na ang Russian delegation sa Belarus para sa ikaduha nga round sang peace talks sa Ukraine, suno sa pinuno sang Russian delegation nga si Vladimir Medinsky kag gindugang nga naghalin na ang Ukrainian delegation sa Kyiv kag padulong man sa Belarus para sa paghinun-anon.
Ginalauman ang mga ini nga mag-abot sa Belarus sa Huwebes, local time.
Suno kay Medinsky, ginsiguro sang Belarusian special services ang kaluwasan sa Belarus kag nagpasalig ang Russian military sang safety passage para sa paggiho sang Ukrainian delegation.
Ang mga delegations nagikan sa Ukraine kag Russia ang igapresentar sang kaangay nga mga miyembro nga ginpadala sa first round sang peace talks.
Sang Lunes, natapos ang first round sang pag-istoryahanay sa tunga sang Ukrainian kag Russian delegations kun sa diin wala sang may nahisugtan ang mga ini.
Wala naman ginpakigbahin sa publiko ang outcome sang nangin negosasyon.
Ang pag-istoryahanay ang nagdugay sang pila ka oras kag nauntat sang makaduha ka beses.
Ang kalawigon sang paghinun-anon ang nagapakita naman nga may yara gid sang istoryahan ang mga delegations.
