Gin-aresto ang isa ka Russian national nga ginasuspetsuhan may plano nga magtuga sang “destabilization” sa Paris Olympics.
Yara sa kustodiya sang Fench police ang lalaki nga ginpaidalum sa judicial investigation.
Suno sa state prosecution service, gina-imbestigaran ang kamatuoran kun ini nagakuha sang intel kag ginapasa sa foreign power.
Sa pagbisita sa balay sang lalaki sa request man sang interior ministry, may narekober nga mga ebidensya sang ginsuspetsuhan nga mga plano sini.
Gin-imbestigaran sang otoridad ang milyones ka mga tawo, lakip na ang mga atleta, coches, journalists, volunteers, security guards, kasubong man ang local residents malapit sa lokasyon sang patigayonan sang events para sa Olympics.
Sa mahibaluan, nakaligad lamang nga binulan sang may naglapta nga may pila ka mga foreign actors ang nagatrabaho para impluwensyahan ang public opinion sang France angot sa giyera sa tunga sang Russia kag Ukraine kasubong man sa kampanya sang Israel sa Gaza kasunod sa pagpang-atake sang Hamas.
May yara pa sadto sang Hunyo nga may ginbilin nga mga peke nga lulubngan sa Eiffel Tower nga may nakabutang nga “French soldiers in Ukraine”.
