Russian President, nagpamahog sa pag-atake sa decision-making centers sa Ukraine gamit ang bag-o nga hypersonic missile

Nagpamahog si Russian President Vladimir Putin nga atakehon ang “decision-making centers” sa Kyiv gamit ang bag-o nga hypersonic missile sang Russia, pila ka oras matapos gin-atake sang Moscow ang energy grid sang Ukraine sa isa ka pagpang-atake nga nagbilin sa masobra isa ka million nga mga pumuluyo nga wala sang kuryente.

Masobra 90 ka mga missiles kag kapin 100 ka mga drones ang ginhaboy sang Russia sa natabo nga barrage suno sa Kyiv kun sa diin ginhangkat ni Ukrainian President Volodymyr Zelensky ang iya mga kaalyado nga maghatag sang firm nga sabat sa iya gintawag Russian “blackmail”.

Suno kay Putin, ang fresh bombardment ang isa ka sabat sa Ukrainian strikes sa iya teritoryo kaupod ang Western missiles.