Nagpirma sanday Russian President Vladimir Putin kag North Korean leader Kim Jong-un sang isa ka kasugtanan nga ginalakipan sang isa ka clause nga nagarequire sa mga pungsod nga magbulig sa isa kag isa in kaso nga may pagpang-atake nga matabo.
Ang inclusion sang isa ka mutual defence clause sa ila comprehensive strategic partnership, nga ginlaragway ni Kim bilang isa ka alyansa, ang magadugang sa kahangawa sang Western countries natuhoy sa nagasanyog nga ekonomiya kag military ties sa tunga sang North Korea kag China.
Ginfinalize ang nasambit nga deal sang Miyerkules bilang ka oras matapos ang ila paghinunan-on sa Pyongyang, ang capital sang North Korea.
Ini ang ikaduha nga summit ni Putin kag Kim sa sulod sang siyam ka bulan.
Ang pagbisita sang Presidente sang Russia sa North Korea ang ginbantayan naman sang Estados Unidos kag South Korea sa tunga sang mga kahangawa natuhoy sa nagasanyog nga military cooperation sa tunga sang isolated kag ginpapapanaugan sang mga sanctions nga mga estado nga ginalantaw makabulig sa mga tikang sang Kremlin sa gyera sa karun sa Ukraine kag makadugang sa tensyon sa Korean peninsula.
