Nag-abot kagab-i sa Beijing si Russian President Vladimir Putin para sa duha ka adlaw nga opisyal nga pagbisita, pila ka adlaw matapos ang pagbisita ni US President Donald Trump sa China.
Gin-abi-abi ni Chinese Foreign Minister Wang Yi kag isa ka honor guard si Putin, kadungan sang mga kabataan nga nagawagayway sang hayahay sang China kag Russia kag nagasinggit sang “Welcome, warmly welcome!”
Ginalauman nga mangin sentro sang pagbisita ang pagpasangkad sang relasyon pang-ekonomiya sang Russia kag China, pati na ang pagdiskusyon sa mga importante nga isyu international kag pang-rehiyon.
Ang pagsinapol ang kadungan man sang ika-25 nga anibersaryo sang Treaty of Friendship sa tunga sang China kag Russia nga ginpirmahan sang 2001.
Nagapabilin nga importante nga trading partner sang Russia ang China, ilabi na matapos ang pag-atake sang Moscow sa Ukraine sang 2022, sa diin sa pihak sang mga sanction naggikan sa Estados Unidos kag Europa, nagapadayon gihapon ang trading sa duha ka pungsod.
Suno sa mga analyst, mahimo magkatuhay ang katuyuan sang Russia kag Estado Unidos sa pagbisita sa China, apang lunsay importante sa diplomasya sang China.
