MOSCOW – Ginpanginwala ni Russian President Vladimir Putin paagi sa isa ka phone call kaupod si German Chancellor Olaf Scholz nga ginabombahan sang Russian troops ang mga ciudad sa Ukraine kag gintawag nga peke ang mga impormasyon suno sa Kremlin.
Suno kay Putin, ndi matuod kag gross propaganda fakes ang mga ginaalegar nagapadayon nga air strikes sa Kyiv kag iban pa nga dalagko nga mga ciudad.
Gindugang man sini nga mangin posible lamang ang pagdayalogo sa Ukraine kun malab-ot ang Russian demands.
Suno sa Kremlin, ginakumpirmar ni Putin nga bukas ang Russia sa pagpakighinun-anon sa Ukrainian side kasubong man sa tanan nga may luyag sang kalinong sa Ukraine.
Apang ini ang napaidalum sa kondisyn nga tanan nga Russia demands ang malab-ot.
Ini ang ginalakipan sang neutral kag non-nuclear status sang Ukraine, ang “denazification” sini, pagkilala sa Crimea bilang kabahin sang Russia kag soberanya sang separatist territories sa eastern Ukraine.
Gindugang man sang Kremlin nga nagalaom sila nga ang mga representatives sang Kyiv ang makaangkon sang rasonable kag constructive position sa ginaplanuhan nga ikatatlo nga rounds sang peace talks.
Ang masunod nga meeting sang mga delegations nagikan sa Russia kag Ukraine ang ginalauman nga matigayon sa weekend, suno sa isa sa mga negotiators sang Kyiv.
