Ginhambalan ni Russian President Vladimir Putin ang iya Chinese counterpart nga si Xi Jinping sa isa ka phone call nga handa ang Russia nga magpatigayon sang high-level talks kaupod ang Ukraine, suno sa foreign ministry sang China.
Nagpamalibad ang China nga tawgan ang tikang sang Russia sa Ukraine nga “invasion” ukon icriticize ang mga pumuluyo sang Moscow apisar sang nagasanyog nga pagpang-atake nagikan sa mga military sang Russia.
![](https://img.bomboradyo.com/bacolod/2022/02/RUSSIA-HIGH-LEVEL-TALKS-1.jpg)
Ginhambalan ni Putin si Xi nga ang Estados Unidos kag ang NATO ang madugay na nga ginapawalaan ang legitimate security concerns sang Russia kag nagapadayon sang pag-expand sang military deployment eastward kag ginahangkat ang strategic bottom line sang Russia suno sa isa ka statement sang Chinese foreign ministry website.
Handa ang Russia nga magpatigayon sang high-level negotiations kaupod ang Ukraine suno kay Putin.
![](https://img.bomboradyo.com/bacolod/2022/02/RUSSIA-HIGH-LEVEL-TALKS-2.jpg)
Makapila ka beses naman nga nagpanawagan ang China nga masolbar ang nasambit nga krisis paagi sa dialogo.
Ginsuportahan sang China ang pagresolbar sa issue sang Russia kag Ukraine paagi sa negosasyon suno kay Xi.
Nagpanawagan man ini sa duha ka bahin nga i-abandonar ang Cold War mentality kag respetuhon ang legitimate security concerns sang tanan nga pungsod kag magporma sang balanse, epektibo kag sustainable European security mechanism paagi sa negosyasyon.
Suno kay Xi, ginarespeto sang China ang soberanya kag territorial integrity sang tanan nga pungsod.