Wala nagtambong si Russian President Vladimir Putin sa kaugalingon sini nga hangkat kay Ukrainian President Volodymyr Zelenskiy sa Turkey kag nagpadala lamang sang isa ka second-tier delegation sa ginplanuhan nga peace talks samtang ginpahayag ni Zelenskiy nga ang iya defense minister ang magapamuno sa team sang Kyiv.
Ini ang mangin labing una nga direct talks sa tunga sang duha ka bahin humalin sang Marso 2022, apang ang paglaom sang isa ka major breakthrough ang mas nagalayo pa nga matigayon matapos ginpahayag ni US President Donald Trump nga wala sang mangin movement kun wala sang meeting sa tunga sini kag ni Putin.
Suno kay Zelenskiy, ang desisyon ni Putin nga indi magtambong apang magpadala lamang sang isa ka “decorative” lineup ang nagapakita nga indi seryoso ang Russian leader sa pagtapos sang gyera.
