Apisar nga Buddhism ang mayorya nga relihiyon sa Hong Kong, gina-obserbar sa gihapon sang mga Katoliko ang Semana Santa sa nasambit nga pungsod.
Suno kay Bombo International Correspondent Jeje Padilla Casa Vergara direkta sa Hong Kong, naga-obserbar man sila sang Semana Santa apang sa sulod lamang sang ila simbahan.// Suno diri, madamo naman sang mga Simbahan Katoliko sa palibot sang pungsod.
Apang indi kaangay sa Pilipinas, indi holiday ang Maundy Thursday kag Good Friday sa ila kag padayon ang mga ini sa pagtrabaho.
Apang sa Abril 5, ginaselebrar ang Qingming Festival gani wala sila sang trabaho.
Nagaselebrar man ang mga ini sang Easter Sunday apang sa simbahan lamang ang mga ini nagaprosesyon.// Wala man sang taltal sa Hong Kong.
Masami nga nagahiking ukon nagapabaybay ang mga ini kun Easter Sunday.
Nagapadayon naman sa pagsuksok sang facemask ang mga pumuluyo sa nasambit nga pungsod bilang pagpangaman sa mga balatian.
