Ginahulat pa sang Bacolod City National High School ang sabat sang screening committee sang Department of Education Division of Negros Occidental angot sa ila nga query sa status sang isa ka softball player nagikan sa Bacolod nga naghampang sa team sang ciudad sang Bago sa ginpatigayon nga Palarong Panlalawigan 2023.
Ang nasambit nga softball player ang anay estudyante sang Negros Occidental High School apang ginaalegar nagtransfer sa Ramon Torres National High School sa ciudad sang Bago.
Sa interview sang Bombo Radyo kay Levy De Oro, assistant coach sang softball team sang Bacolod City National High School, wala pa nila nabaton ang written response sang screening committee sang Division Office bisan manug-duha na ka semana ang nakaligad halin sa ila nga pagsumiter sini.
Suno kay De Oro, nagquery sila sa status sang enrollment sang player bilang protest batok sa eligibility sini kag indi bangud sa pagdaog sang Bago City softball team.
Suno kay De Oro, batunon nila kun anuman ang findings sang screening committee, santo sa ila nga otoridad.
Santo sa impormasyon, gin-antedate ang transfer sang player apang indi pa mahambal ni De Oro kun ini ang matuod ukon indi.
