Iga-promote ni Krishnah Gravidez ang iya advocacy para sa “safe spaces” sang mga pamatan-on sa iya “Color the World with Kindness” nga kampanya sa Miss World 2025.
Sa Head-to-Head Challenge sang pageant sa India, ginpakigbahin sang Filipina beauty queen nga isa siya sa mga founder sang proyekto sa tuig 2022 agud mahatagan sang safe kag nurturing place ang mga kabataan.
Si Krishnah ang nagbulig agud nga matukod ang mga early learning centers kag konkreto nga mga balay para sa mga pigado nga pamilya sa Irisan, Baguio City.
Bilang isa ka handom nga mangin isa ka civil engineer, ang iya katuyuan indi lamang ang pagtukod sang isa ka building kundi ang pagtukod man sang isa ka malig-on nga komunidad.
Samtang, si Krishnah isa sa mga finalists sa Miss World talent competition kag yara subong sa ika-apat nga pwesto sa mga hot picks sang Missosology.
Nagalaom ini nga mahatag sa Pilipinas ang ikaduha nga korona sang Miss World matapos nagdaug si Megan Young sang 2013.
