Ginapasalamatan sang labor representative nga gin-affirm na sang National Wages and Productivity Commission ang order nga pasakaan sang P55 tubtub P110 ang minimum wage sa Western Visayas.
Sa idalom sang wage order, ang negosyo nga may masobra 10 ka empleyado ang magapatuman sang P55 increase ukon P450 daily wage samtang P110 naman ang isaka sang sweldo sang nagaubra sa negosyo nga may 10 employees panubo ukon P420 na ang ila minimum daily wage.
Ang yara naman sa agriculture sector ang magapatuman sang P95 wage increase.
Sa interview sang Bombo Radyo kay Wennie Sancho, secretary-general sang General Alliance of Workers Association, maayo ini nga balita para sa mga mamumugon bangud P55 ang wage hike.
Ini man ang labing una nga kahigayunan suno kay Sancho nga mas dako ang wage hike sa Region 6 kun ipaanggid sa Metro Manila nga may yara sang P33 wage increase.
Suno sa labor representative, kinahanglan na gid ang wage hike bangud magluwas nga nagadeteriorate ang purchasing power sang mga mamumugon, indi man maagwantahan ang pagsaka sang presyo sang basic necessities and prime commodities.
