Magasugod na sa Lunes ang pagsaka sa pletehan sa mga Public Utility Vehicle (PUV) kasunod sa ginpatuman nga fare hike sang Land Transportation Franchising and Regulatory Board (LTFRB).
P1.00 ang dugang nga saka sa plete sa traditional jeepney samtang P2.00 naman sa mga modernized jeepney.
Bangud sini, mangin P14.00 na ang minimum fare sa traditional jeepney nga anay P13.00 kag P17.00 naman sa modernized jeepney nga anay P15.00.
Sa interview sang Bombo Radyo kay Atty Geryy Llena, magpagwa sila sang farematrix sa Lunes kag opisyal na nga makapanukot ang mga PUV sang dugang nga saka sa pletehan.
Gin-athag ni Llena nga dapat gid may yara sang napaskil nga bag-o nga fare matrix sa salakyan agud wala sang may matabo nga lalisay sa tunga sang driver kag pasahero sa pletehan.
Dugang pa, agud may mangin basehan man ang mga pasahero sa additional distance rates sa kada maglapas sa kilometero.
Suno diri, P2.00 ang idugang nga plete sa tradional jeepney sa kada succeeding kilometer samtang P2.30 tubtob P2.40 naman sa modernized jeepney.
Mensahe sini sa mga PUV kag commuters nga sila sa LTFRB kag gobyerno ang ang wala naga-untat agud mapamaayo ang transport system.
