Sakurajima Volcano sa Japan, naglupok sang makapila ka beses

Naglupok sang makapila nga beses ang Sakurajima Volcano sa isla sang Kyushu sa Japan kahapon, Nobyembre 16, 2025.

Nagpagwa ini sang madamol nga aso kag abo nga naglab-ot sa 4.4 kilometers ukon 2.73 milya ang kataason nga nagresulta sa pagkanselar sang pila ka mga biyahe sang eroplano.

Suno sa Japanese Meteorological Agency (JMA), ang una nga eruption ang natabo ala-1:00 sang kaagahon sang Domingo kag nasundan sang duha pa ka paglupok alas-2:30 sang kaagahon kag alas-8:50 sang aga.

Nahibaluan nga karun lamang liwat nga paglupok ang Sakurajima Volcano makaligad sang 13 ka bulan.