Pilason ang 32 anyos nga lalaki matapos mabunggoan sang salakyan nga inugdisplay kun tani sa sulod sang isa ka mall sa Brgy Singcang Airport, kainsa, alas- 8:15 sang gab-i.
Sa interview sang Bombo Radyo sa traffic investigator sang Bacolod Police Station 8, ipasulod kun tani ang salakyan sa Gaisano Mall para idisplay.
Ang nagamaneho sang salakyan ang ginkilala kay Alexis Velasco, 32 anyos.
Ipasulod na kuntani ni Velasco ang salakyan sa back entrance sang mall, apang na-stuck ang goma sini.
Gintodohan sini tapak ang gasolinador rason nga nagderetso ang salakyan sa glass door sang mall kag nabunggoan ang pedestrian nga si Jude Baja.
Nag-agom sang pilas sa butkon si Baja nga gindala sa osipital samtang gin-tsekyar man sang medical team ang sitwasyon sang driver.
