-- ADVERTISEMENT --
Pilason ang apat ka sakay sang isa ka salakyan nga nagbaliskad matapos makabunggo sa poste sa Brgy Mansilingan, Bacolod City, kagab-i.
Sa interview sang Bombo Radyo Bacolod kay Police Lt. Col. Ramel Sarona, pinuno sang Traffic Enforcement Unit sang Bacolod City Police Office, nagabyahe ang salakyan halin sa banwa sang Murcia kag padulong kuntani sa ospital agud i-admit ang isa ka pasyente.
Suno diri, apat ang sakay sang salakyan, duha ka lalaki kag duha ka babayi lakip na ang pasyente.
Pag-abot sa bahin sang economic highway, wala natulupangdan sang driver ang center island kag nabunggo sini ang poste.
Bangod sa impact, nagbaliskad ang salakyan apang minor injuries lang man ang naagom sang mga sakay.
-- ADVERTISEMENT --
