Pilason ang isa ka pulis kag Sangguniang Kabataan chairwoman matapos magbunggu-anay ang ila ginamaneho nga salakyan sa Circumferential Road, Lupit Bridge 2, malapit sa Bacolod City Government Center sa Barangay Taculing, Bacolod City alas-2:42 kaina sang kaagahon.
Ang mga involved ang ginalakipan sang Police Master Sergeant, nga personnel sang Police Regional Office – Negros Island Region kag ang SK chairwoman sang Brgy Taculing nga lunsay mga residente sang Puentebella Subdivision, Barangay Taculing, Bacolod City.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, dala sang pulis ang gray nga Sedan samtang nagadalagan sa south to north nga dereksyon, kag yara sa inner lane, samtang sugata naman sini ang SK chairwoman nga nagadala sang pula nga Nissan, kag naga-occupy man sang inner lane.
Sa imbestigasyon, natumod nga nagab-ihan na ang pulis matapos mag-overtime kag ginalantaw nga bangod sa over fatigue napiyongan ini kag nagwarik ang salakyan sa dereksyon sang SK chairwoman.
Lunsay nakaangkon sang damage ang parehas nga nawala nga bahin sang duha ka salakyan.
Gindala ang SK chairwoman sa Bacolod Adventist Medical Center (BAMC) matapos magpalaman-ol ang kamot, samtang gindala naman sa Riverside Medical Center ang pulis nga nagsakit ang dughan matapos malampos sa manubela.
Ginmando na ni Bonilla sa investigator on case nga tsekyaron kun may available nga CCTV sa area agud matumod ang matuod nga rasun sang insidente.
