Nagdangat sa P59.4 million ang kabug-usan nga sales sa ginpatigayon nga 38th Negros Trade Fair sa ciudad sang Makati humalin sang Setyembre 17 tubtob 22.
Suno kay Arlene Infante, presidente sang Association of Negros Producer, kapin sa 20 porsyento ang ginsaka sa sales kun ipaanggid sa nakaligad nga tuig nga may yara lamang sang P47.6 million.
Suno diri may yara sang 84 ka mga exhibitors sa mall kag 11 diri ang naggikan sa Negros Oriental.
Ang may pinakamadako nga sales amo ang sa pagkaon nga may P31 million, nga ginasundan sang gift sector nga may P16 million, tourism nga may P4.5 million, fashion nga may P4.4 million, furnitures nga may P2.4 million kag natural organics nga may P1.4 million.
Suno kay Infante, para sa 2025 Negros Trade Fair, mangita sang bag-o nga venue ang probinsya bangod nga may patigayunon nga renovation sa Ayala Malls Glorietta.
