Ginpahanumdom ni Negros Occidental Governor Eugenio Jose Bong Lacson ang mga butang nga naga-ugyon sa tanan nga Negrosanon.
Sa speech sini sa ginpatigayon nga coronation night sang Lin-ay sang Negros 2024 kagab-i, gindayaw sini ang isa sa dalagko kag prestigious nga beauty pageant sa pungsod.
Suno diri, wala lamang ginaselebrar ang katahum sang Negrense apang ginapakita man sini ang tinutuyo sang kompetisyon nga amo ang naga-ugyon sa tanan nga Negrosanon.
Ini amo ang compassion, resilience kag pagtuo sa Ginoo.
Dugang pa sang gobernador, dapat nga batunon sang hugot ang promisa sang Panaad agud padayon nga malab-ot ang pag-ugyon sang Negros Occidental.
Samtang, nagdangat naman sa P9, 486,290 ang sales sa Panaad Festival sa sulod sang apat ka adlaw halin sang Lunes.
