Nagpanagtag ang Salvador Benedicto Municipal Disaster Risk Reduction and Management Office (MDRRMO) sang facemasks sa mga residente matapos nga naka-eksperyensya sang light ashfall kag baho sang asupre kasunod sang moderately explosive eruption sang Bulkan Kanlaon sang Sabado.
Una na nga ginreport nga nakaeksperyensya sang light ashfall ang mga Barangay sang Brgy. Igmayaan, Kumaliskis, Bunga, Pandanon, Pinowayan kag Brgy. Bago.
Sa interview sang Bombo Radyo kay Rodelio Famini, Head sang Salvador Benedicto Municipal Disaster Risk Reduction and Management Office (MDRRMO), naglibot ang mga ini sang Sabado kag Domingo agud nga magpanagtag sang facemasks.
Suno kay Famini, nagtupa ang ulan sa nasambit nga banwa gani dako ang posilibidad nga nawash-out na ang ashfall nagikan sa paglupok sang Bulkan Kanlaon.
Panugyan sang Salvador Benedicto DRRMO head sa mga pumuluyo ilabi na sa mga may asthma ukon hapo nga magsusok gid sang facemask kun maggwa sa balay bangud sa posible nga epekto sang ashfall kag baho sang asupre.
Wala sang evacuation apisar sang naeksperyensyahan nga light ashfall sa pila ka barangay sa nasambit nga banwa.
