Indi na mangin kabahin sang defense team ni former President Rodrigo Duterte sanday former executive secretary Salvador Medialdea kag former presidential spokesperson Harry Roque sa iya kaso sa International Criminal Court.
Suno kay Vice President Sara Duterte, ang legal team sang anay Presidente ang pagapamunuan ni Atty. Nicholas Kaufman kag may yara pa ini sang istoryahon nga mga abogado agud mangin kabahin sang team.
Kun makay-o na ang team para sa ICC, magawithdraw si Atty. Medialdea bangud limitado lamang ang mga slots para sa mga abogado kag luyag nila nga ang lawyers on board ang may yara sang ICC experience.
Si Medialdea ang nag-atubang sa ICC Pre-Trial chamber sa first appearance ni Duterte via videolink sang tinalikdan nga Biyernes, Marso 14.
Suno kay Duterte, wala pa naestablish kun ano ang basehan sang pagtinir ni Roque sa Netherlands kag indi nila luyag nga makaangkon sang complications.
