Ginhingadlan bilang Most Outstanding Sports Association sang Philippine Sportswriters Association ang Samahang Weightlifting ng Pilipinas.
Sa interview sang Bombo Radyo kay anay Congressman Monico Puentevella, Presidente sang Samahang Weightlifting ng Pilipinas, sa 75 ka mga national sports association, sila ang napilian nga most outstanding kag ini na ang ikaduha nga tuig nga ila nakuha ang award.
Nagapasalamat ini sa mga players, coaches kag board sang bangud sa ila performance.
Suno kay Puentevella, dako nga factor diri ang madamo nga silver kag gold nga mga medalya nga nadag-an sang mga atleta sa patag sang weightlifting sa mga international competitioons.
Suno sa iya, kun swertehun, posible nga makapauli liwat sang medalya ang mga ini sa masunod nga Olympics.
Suno diri, magluwas kay Hidilyn Diaz, may mga atleta man ini nga nagakakitaan sang potensyal agud makigbahin sa Olympics sa masunod nga tuig.
Nagalaom naman ang anay kongresista nga maka-inspire sila sa mga kabataan nga magtilaw sa pagsulod sa nasambit nga sport.
