Para sa presidente sang Samahang Weightlifting ng Pilipinas kag anay basketball player sa Manila, kulang sa preparasyon ang team sang Gilas Pilipinas para sa nagahilapit nga International Basketball Federation (FIBA) nga maga-umpisa sa Agosto 15 tubtob Setyembre 10.
Sa interview sang Bombo Radyo kay Monico Puentevella, hugot nga ginaluaman sini nga kun tani siya magsala sa iya ginalanatw nga kapierdehan sang Gilas team.
Suno diri, sa kabug-usan nga duha ka bulan nga pagpasakop sang team sa nagkalain-lain nga tournament lakip ang hampang sini sa Europe, sa China kasubong man sa SEA Games, iya nakita nga ang ini nga team ang kaangay nga indi nga grupo ang naghuman sang team Gilas.
Ini bangod sa pag-ilis sa miyembro sang team kaangay na lamang kay Justin Brownlee nga ginbuslan ni Jordan Clarkson, nga isa ka shooter kag indi man board member nga kinahanglan kuntani sa mga kontra nila nga tag 7-footer.
Kasubong man nga indi ini kumporme sa pagpasulod kay Kai Sotto nga nagikan sa try out sa NBA kag nag-agom sang back injury nga sa masunod na nga semana ang umpisa sang hampang.
Kaangay man nga indi ini makapati sa pahayag ni Coach Chot Reyes nga kuntani makasulod ang team sa Paris Olympics.
Ginpahayag man sini nga siya magasuporta sa Pilipinas apang nagpangayo ini sang pasaylo sa pagpati sini nga mapierde ang Pilipinas bangod indi preparado, pa ilis-ilis sang player kag wala sang chemistry amo nga luyag sini nga lantawon kun tubtob sa diin ang lakat sang Gilas.
