Ginkumpirmar sang spokesperson sang alkalde sa ciudad sang Bacolod ang report sang Bacolod City Health Office nga may yara sang tatlo ka suspected cases sang Pertusis sa ciudad kag isa sa probinsya sang Negros Occidental nga ipadala ang sample sa Research Institute for Tropical Medicine ukon RITM para sa confirmatory test.
Sa interview sang Bombo Radyo Bacolod kay Atty. Caesar Distrito, ang apat nga suspected cases ang nakaadmit sa ospital sa ciudad sang Bacolod kag wala ini sang impormasyon kun sa diin nga ospital naamit.
Suno diri, ang nasambit nga mga pasyente nga ginkuhaan sang mga samples ang nagaedad sang anum ka semana tubtob duha ka bulan.
Ginpahayag man sini nga magluwas sa sample nga ipadala sang CHO sa RITM may yara na nga nauna nga ginpadala ang City Health sang duha ka sample sang suspected case sang Pertussis sa RITM kun sa diin ang isa ang nagwa na ang resulta samtang ang isa ang wala pa sila sang impormasyon.
Suno kay Distrito, ang Pertussis ang madugay naman nga nagaexister kag ang ginatapikan sini ang mga kabataan nga wala nabakunahan ukon indi kumpleto ang bakuna.
Sa karun ang ciudad sang Bacolod ang may yara na sang lima ka suspect cases sang pertussis ukon whopping cough.
Suno diri, ang ciudad sang Bacolod ang may yara sang 31 ka mga health centers kag libre ang mga bakuna diri.
Gani, nagapanawagan ang spokesperson sang alkalde kag punong barangay sang Barangay Sincang Airport sa ciudad sang Bacolod sa mga ginikananan nga siguruhon nga nabakunahan ang ila nga mga kabataan.
