Ginahulat na lang sang opisina ni San Carlos City Mayor Renato Gustilo ang resulta sang imbestigasyon sang National Bureau of Investigation angot sa paggamit sang iya pangalan kag perma sa gina-alegar tatlo ka ghost flood control projects sa ciudad.
Sa official record sang 5th Engineering District sang Negros Occidental, ang tatlo ka ghost flood control projects nagatumod sa Andoon river sa Brgy Rizal nga may P40 million nga budget apang may nabaton nga dokumento si Gustilo nga may proyekto sa Andoon river nga may budget nga P77.5 million; sa Palampas river sa Brgy 1 naman nga santo sa official nga dokumento may yara sang P75 million nga budget apang may yara sang dokumento nga nagahambal nga may isa ka contractor nga nagtrabaho sa flood control project sa budget nga P15.1 million; kag ang Jigalaman River sa Brgy Guadalupe nga may budget nga P95 million sa official record samtang may dokumento nga ang isa ka contractor nga naghambal nga sila nagtrabaho sa sapa sa budget nga P77.3 million.
Suno kay Joe Ricalex Alingasa Jr., tagpamaba ni Mayor Renato Gustilo, nakita sang alkalde nga ginpeke ang iya perma, ang Notice of Award kag Kontrata amo nga nakig-angot ini sa NBI.
Suno diri, ang tatlo ka flood control project naga-exist sa ciudad apang may yara sang tatlo ka contractor nga nagahambal nga sila ang nagtrabaho sa proyekto nga wala man sang kamatooran.
