May person of interest na ang San Carlos City Police Station sa natabo nga pagpang-ransack sa isa ka mall sa ciudad sang San Carlos, Negros Occidental sang August 19, kapin alas- 11:25 sang gab-i.
Sa interview sang Bombo Radyo Bacolod kay Police Lt. Col. Nazer Canja, hepe sang San Carlos City Police Station, lima ang ginalantaw nga suspetsado lakip na ang drayber.
Nagdangat naman sa kapin sa P1,260,000 ang balor sang nakawat nga kwarta kag jewelry.
Suno diri, sa CCTV footage nga ila nakuha, pagsulod sang mga suspetsado sa mall nakasuksok sila ang bonnet apang matapos ang pagpangawat sa isa ka CCTV footage nakita sila nga nagalakat sa dalanon nga wala na sang tabon ang nawong.
Nakita man nga sakay sa mitsubishi montero nga puti ang mga suspetsado kag nahimo pa sang mga ini nga magtinir sa isa ka resort sa bahin sang Negros Oriental kag suno kay Canja, posible nga indi residente sang Negros ang mga suspetsado.
Sa karun padayon pa ang imbestigasyon kag pagreview sa mga CCTV footages
