Ginkompirmar sang deputy station commander sang San Carlos City Police Standard nagpatiagyon na sila sang drug testing sa katapo sang transport group santo man sa mando sang Negros Occidental Police Provincial Office.
Sa interview sang Bombo Radyo Bacolod kay Police Lt. Roby Aurita, ginpahayag sini nga 73 nga miyembro sang San Carlos City Tricycle Drivers and Operators association ang nagpasakop sa random drug tests kag nagapasalamat ini nga tanan negatibo ang resulta.
Ginpatigayon naman sang mga chemist kag nurses sang CHO ang drug test sang Miyerkules kag pagkaaga naggwa man ang resulta.
Suno kay Aurita, ang random drug tests ang may kooperasyon sang San Carlos City Anti-Drug Abuse Council kag ginfacilitate sang City Health Office samtang ang pagpili ang nakadepende man sa available nga drug test kit.
Isa pa lang ka TODA ang napatigayunan nila sang drug test bangud wala pa sang available nga test kit.
Suno diri masobra sa 100 ang mga miyembro sang TODA apang 73 lang ang nagpatest bangud ang iban ang nagasideline lang samtang ang iban diri ang Tanod ukon casual employees sang syudad ang wala na nakigbahin sa schedules drug test sang San Carlos City Police bangud nakadrug test na sila bangud requirements man ini sang city hall.
Suno kay Aurita, sa tion nga may available na ang drug test kit ipadayon lang nila ang drug testing kag ini ang ginapatigayon sa covered court malapit sa police station sa Barangay 3, San Carlos City.
Sa pihak nga bahin 48 man ka police personnel ang nagpaidalom sa test sang Miyerkules kag lunsay man negatibo ang resulta.
