Nag-umpisa sa paglantaw sa mga abyan sini nga nagahampang sang chess sa Plaza sang Victorias City kag nag-upod hampang sa mga katigulangan, ang sa karun nakakuha sang 1st Place batok sa 165 ka player sa 2023 Las Vegas International Chess Festival Under 2300 Category sa Las Vegas,Nevada.
Sa interview sang Bombo Radyo kay Michael Ocido, 11 anyos pa lamang ini sang siya nagalantaw sa hampang sang iya mga abyan sa palza sa ciudad sang Victorias, kag ini nakakuha sang iya interes kun sa diin nagapanghangkat na ini sang hampang sa mga katigulangan tubtob nga nag-intra ini sa mga regional competition kag nakakuha sang oppotunuidad nga makahampang sa international competition.
Nangin mentor man sini ang mga mabaskog kag kilala nga mga chess players sa Negros Occidental.
Pahayag ni Ocido, ang paghampang sang chess ang dapat nga ginatun-an, kaangay na lamang sa iya nga padayon nga nagatuon, apisar sa tanan nga kadalag-an.
Ginatun-an sini ang iya sala sa games kasubong man ang style kag weakness sang iya makontra.
Si Ocido man sa karun ang isa ka chess teacher sa New York, nga suno diri, ang chess nga sports maayo kun maitudlo sa mga kabataan, agud mapagana ang ila logical kag critical thinking.
Tuman kadako sang nabulig sang chess kay Ocido, humalin sa scholarship sini sa pag-eskwela kag sa karun naga-partisipar na sa mga international chess competition kun sa diin ang pinakauna nga international competition nga iya gin-pasakupan amo sa Estado Unidos sang 2018 sa Philadelphia kag 2019 sa pagdaog sini sa competition sa New York didto na kag ginhatagan si Ocido sang title.
Pahayag ni Ocido, mabudlay ang chess apang indi imposible nga mangin profesional sa ini nga sports.
