Pagatun-an pa sang Sangguniang Panlungsod sang ciudad sang Bacolod kun ano ang mahatag nga bulig para sa mga consolidated franchise operators nga nagreklamo batok sa Choret Corporation.
Suno kay Councilor Al Victor Espino, Chairperson sang Committee on Transportation, indi mahapos para sa ciudad nga mag-intervene bangod ang Choret Corp ang isa ka pribado nga korporasyon.
Suno diri, pagatun-an pa sang Sangguniang Panlungsod kun sa ano sila nga pamaagi makabuliig sa mga operators agud masolusyunan ang ila problema.
Dugang pa sini obligasyon sang ciudad nga mapadangat ang sentimento sang mga operators sa Land Transportation Franchising and Regulatory Board.
Magakonsulta man ini kay Bacolod City Mayor Alfredo Albee Benitez, nga mahatagan sang pagtamod ang panawagan kag sitwasyon sang mga pumuluyo nga maapektuhan sang modernization program.
