Ginpaathag sang Sangguniang Panlungsod sang Bacolod nga wala sang dugang nga pondo sa ila opisina.
Sa interview sang Bombo Radyo kay Bacolod City Councilor Homer Bais nga tinutuyo sang Ordinance No. 1157 nga mahatag sang patas ang pondo sa tagsa ka opisina sang mga miyembro sang Sangguniang Panlungsod.
Sa idalom sang Section 6 ukon Annual Appropriation sang ordinansa, may P3 million kada opisina sang regular member sang Sangguniang Panlungsod kag P1.5 million kada duly recognized sectoral representative.
Paathag sang Konsehal nga ini ang existing budget kag indi dugang nga pondo para sa Sangguniang Panlungsod.
Suno diri, ini bangud sang una nga administration may pila ka mga konsehal nga naghambal nga kulang ang budget nga nagatupa sa ila nga opisina.
Gani paagi sini nga ordinansa, suno kay Bais mabalanse sang husto ang pondo para sa tanan nga opisina sa pagdumala sang ila legislative operation.
Paathag sang Konsehal nga indi ini para lang sa subong nga nagapungko nga konsehal kundi para man sa paalaabuton nga mangin miyembero sang Sangguniang Panlungsod.
