Ginahulat na lamang sang Sangguniang Panlungsod sang Bacolod City ang intervention nga ihatag sang Department of Health kasunod sang ginpadangat nila nga concern angot sa gina-aligar nga dialysis patients nga nagpositibo sa Hepatitis C sa Bacolod Queen of Mercy Hospital.
Sa interview sang Bombo Radyo Bacolod kay Bacolod City Vice Mayor El Cid Familiaran, gintugyan na nila ang concern sa DOH agud nga mahatagan sang nagakaigo nga intervention bangud isa ini ka health concern.
Suno kay Familiaran sang Miyerkules nagpatigayon sila sang committee conference kaupod si Bacolod City Councilor Cindy Rojas ang chairman sang committee on health, ang concern nga ginpandangat sa SP amo ang may yara sang ginpromisa ang nasambit nga ospital sa mga pasyente nga wala na comply.
Sang Miyerkules ginpadala na nila ang concern sa DOH kag ginahulat na lamang nila ang intervention angot diri.
Suno kay Familiaran may yara sa karun sang masobra 50 ka mga dialysis patient ang gina-aligar nga nagpositibo sa HEPA C.
Nagalaom man si Familiaran nga mahatagan gilayon sang solusyon sang DOH ang ginpadangat nila nga concern sang mga dialysis patient sang Bacolod Queen of Mercy Hospital.
