Ginaplanuhan na sang Sangguniang Panlungsod ang pagpatigayon sang pag-aprubar sa numero sang mga vendors nga pahanugutan nga makabaligya sa pila ka mga designated areas may kaangtanan sa tigkalalag.
Nahibaluan nga sa tion sang tigkalalag, yara man masami makita ang mga nagabaligya sang bulak, kandila kag iban pa, partikular na sa mga dalanon malapit sa sementeryo, kaangay sa Burgos, Handumanan kag Granada Public Cemetery nga masami gid nga ginabisitahan sang madamo nga nagaduaw, kasubong man sa Bacolod City Public Plaza.
Ang Sangguniang Panlungsod ang magakuha pa kun pila ang kabug-usan nga numero sang mga vendors agud sila ang ma-issuehan sang special permit.
Sila ang hatagan sang tyansa nga makabaligya halin Oktubre 30 tubtob Nobyembre 2.
Ang City Council ang nagsapol paman upod sa Bacolod Traffic and Transportaton Management Department (BTTMD) agud mahitso kun diin ang mga dalan nga temporaryo nga siraduhan.
