Sangguniang Panlungsod sang Bacolod, magabalay sang resolusyon agud nga hingyuon sa DPWH ang komprehensibo nga drainage master plan para sa ciudad

Magabalay sang resolusyon ang Sangguniang Panlungsod sang Bacolod agud nga hingyuon sa Department of Public Works and Highways (DPWH) ang komprehensibo nga drainage master plan para sa ciudad.

Ini ang kasunod sang nagluntad nga pagbinaha sa ciudad sang nagligad nga semana.

Madumduman nga duha katuig na ang nakaligad, nagpatigayon sang feasibility study ang DPWH para sa drainage master plan, gani nga suno kay Vice Mayor El Cid Familiaran, luyag nila nga mahibaluan kun anu na ang update diri.

Nahibaluan nga sang ginpatigayon ang feasibility study, isa sa ginalantaw diri amo ang maangot ang mga local drainage systems sa iya sang national highways.