Magapatigayon sang special session ang Sangguniang Panlungsod sang Bacolod para sa 2nd Reading sang proposed 2022 Budget sa maabot nga Nobyembre 1.
Nahibaluan nga P3.25 billion ang proposed 2022 budget sang syudad, mas mataas sang 25 porsyento gikan sa P2.68 billion nga budget subong nga tuig.
Ang budget nga ginapasar ang magasaka sang kapin P650 million.
Paathag ni Bacolod City Vice Mayor El Cid Familiaran nga nag-ayo sang tiyempo ang mga konsehal sa syudad nga matun-an sang maayo ang proposed 2022 budget gani ginschedule sang mga ini ang special session sa maabot nga Lunes alas-5:00 sang hapon.
Suno sa bise alkalde, angot lang gid sa budget ang ila nga diskusyunan sa special session.
Paathag ni Familiaran nga matapos ang consultation gikan sa nagkalainlain nga departamento kag mapasa ang committee report diri na kag nagapartisipar ang Sangguniang Panlungsod sa deliberasyon sa 2nd reading.
