Gin-author sang tatlo ka konsehal ang resolusyon kadungan sang session sang Sangguniang Panlungsod sang syudad sang Bacolod agud nga ipanginbulahan si Sidrey Mel Flores, ang nagpanguna sa Medical Technologist Licensure Examination.
Sa interview sang Bombo Radyo Bacolod kay Councilor Em Legazpi Ang, tatlo sila nanday Councilor Lady Gles Gonzales Pallen, ang presidente sang Liga ng mga Barangay kag Councilor Israel “Ising” Salanga ang nag-author sang resolution nga nagacongratulate kay Flores matapos ini nagtop sa nasambit nga pasinawan.
Suno kay Ang, inspiring kag bugal sang syudad matapos nga ang top notcher sa Medical Technologist Examination ang nagikan sa syudad sang Bacolod.
Suno diri, kun mabudlay magsulod sa Top 10, mas mabudlay nga mangin top notcher kag ini ang nagakatabo sa sulod sang dekada ukon makaisa lamang sa isa ka generation.
Suno kay Ang si Sidrey ang very consistent sa academics bangud naggraduate ini nga valedictorian sang high school sa La Salle kag siya man ang una nga estudyante nga Medical Technologist sa Colegio De San Agustine nga naggraduate bilang Suma Cum Laude.
Suno pa kay Ang, ang achievement ni Flores ang mahimo nga sundon kag himuon sang mga pamatan-on nga Bacolodnon.
Suno diri may yara na sang ordinansa nga nagahatag sang monetary ukon cash awards apang sa resolusyon sini nakabutang sa isa ka clause nga hatagan sang plaque kag dapat may patigayunon nga seremonya sa paghatag sang plaque agud nga mahatagan man sang kadungganan para sa nalab-ot sang top notcher.
Gindayaw man ni Vice Mayor El Cid Familiaran an nagtop notcher sa Medical Technologist Examination nga si Sidrey Mel Flores.
Suno kay Familiaran, kilala na sini ang amay ni Flores nga si Punong Barangay Rommel Flores sang Barangay Villamonte humalin pa sang indi pa ini Barangay Kapitan.
Suno sa bise alkalde matutom nga bata si Sidrey kag naglahog pa ini nga wala siya makahibalo kun sa diin ini nagsunod sang iya kaalam sa amay ukon sa iloy.
Ginpahatyag man sini nga ang syudad may yara sang ordinansa nga nagahatag sang incentives sa mga top notchers ukon achiever sa licensure exams.
