Plano nga iregulate sang Sangguniang Panlungsod sang ciudad sang Bacolod ang pagpalupad sang drones sa ciudad.
Sa interview sang Bombo Radyo Bacolod kay Councilor Jason Villarosa, chairperson sang Committee on Tourism, yara na sa frist reading ang ordinansa para maregulate ang pagpalupad sang drone sa ciudad.
Suno diri, nanotisyaran nga madamo sang mga drones ang ginpalupad sa ciudad ilabi na kun may yara sang mga events kag festivals.
Kaangay na lamang sang Masskara Festival kun sa diin makapila ka beses nga gin-abisohan ang mga drone operator ukon drone pilot nga indi magpalupad sang ila drones bangod nga may yara sang drone show ang ciudad.
Dugang pa sini, delikado nga madamo sang drones ang ginapalupad nga posible magtuga sang collision kag makahalit sa mga tawo.
Kun madakpan ang drone pilot nga indi regsitered ang iya drone, may yara sang penalidad nga idagdag sa iya nga amo an P1,000 penalty sa first offense.
Samtang, sa naga-operate naman sa no-fly zone, ang first offense may yara sang P1,000 penalty, second offense nga may P5,000 penalty kag third offense nga may P10,000 penalty, confiscation sang drone kag pagkapreso nga indi magnubo sa isa ka bulan.
