Masobra 24 mil na ka mga beneficiaries sang second tranche sang Social Amelioration Program (SAP) cash assistance ang nakabaton sang ayuda sa ciudad sang Bacolod.
Suno kay Department of Social Welfare and Development (DSWD) Region 6 director Ma. Evelyn Macapobre, ginpahayag sini nga kabug-usan nga 24,078 beneficiaries na sa Bacolod ang nakabaton sang 6 mil pesos nga may total payout nga P144,468,000.// Suno kay Macapobre, nangin madasig ang tagtaganay subong nga second tranche bangud nga indi lang isa ka location ang baydanay.
Sa bilog nga Western Visayas, nagdangat na sa kabug-usan nga 33,670 ka mga benepisyaryo ang nabayadan sang kabug-usan nga 202,020,000.
Dugang pa sang regional director nga magapadayon ang tagtaganay apisar nga adlaw sang Sabado kag Domingo.
Nahibaluan nga target sang ahensya nga matapos ang payout sa Hulyo 31.
Liwat naman sini nga ginpahanumdom nga ginadumili gid ang pagkaltas sa P6,000.
Suno kay Macapobre dapat nakatuon na sang leksyon ang tanan sa natabo sa first tranche agud nga wala na sang may magreklamo.
