Napasibangdan ang Popstar Royalty nga si Sarah Geronimo nga may bitbit nga makahulubog nga ilimnon sa concert sang American singer-songwriter nga si Billie Eilish sa London, England.
Kaupod ni Sarah ang iya bana nga si Matteo Guidicelli sa Hit Me Hard and Soft tour ni Billie sa O2 Arena.
Ginpakigbahin ni Matteo ang experience nila sa security inspection pasulod sa venue sang concert.
Sa video, ginpakita ni Matteo ang pagsulod nila sa venue kag sa bag inspection, ginpamangkot sang security guard si Sarah kun ano ang bitbit sini nga gamay nga green nga sulodlan.
Nagsabat naman si Sarah nga ‘alcohol’ kag amo naman naghambal ang guwardiya nga ginadumilian ang pagdala sini.
Amo na nga ginrescue ni Matteo si Sarah kag naghambal nga ‘Hand Sanitizer’.
Natigayon nga nakasulod ang duha sa arena kag nagkadlaw na lang bangod napasibangdan nga makahulubog nga ilimnon ang dala sini nga ‘alcohol’.
