Sarangani, gintay-og sang magnitude 5.1 nga linog kagab-i

Gintay-og sang magnitude 5.1 nga linog ang Sarangani, malapit sa banwa sang Kiamba, Biyernes sang gab-i.

Suno sa Phivolcs, ang linog ang gindowngrade humalin sa 5.3 magnitude nga una nga ginreport sang ahensya.

Ang pagtay-og ang nagluntad alas 10:25 sang gab-i, may kadalumon nga 24 kilometers kag tectonic in origin.

Ang linog ang ginregister nga Intensity IV sa munisipalidad sang Kiamba kag Maitum sa Sarangani.

Narekord naman ang Intensity III sa General Santos City; Zamboanga City; Cotabato City; Maasim, Sarangani; Norala, Tupi kag Lake Sebu, South Cotabato.

Suno sa Phivolcs, wala sang may ginalauman nga halit apang posible ga may magluntad nga aftershocks.