Ginpatigayon ang sashing ceremony para sa duha ka mga kandidata nga mangin tiglawas sang Bacolod City kag Negros Island Region (NIR) sa Miss World Philippines.
Si Ysabella Wuthrich ang magatiglawas sa Bacolod City samtang si Althea Gadingan naman sa Negros Island Region.
Ang sashing ceremony ang ginpatigayon sa Park Inn Hotel, Bacolod City kahapon sang hapon.
Sa mensahe ni Miss World Philippines Bacolod Ysabella Wutrich, ginpahayag sini apisar sa iya na-agyan nga kabudlayan sa kabuhi luyag niya ipakita sa national stage ang pagkalig-on bilang isa ka Bacolodnon.
Suno naman kay Miss World Philippines Bacolod Negros Island Region Althea Nicole Gadingan, nagapati siya nga “what’s meant for you will always find you,” kag dako ang iya pagpasalamat sa pagsalig kag oportunidad nga ginhatag sa iya.
Luyag sang duha ka mga kandidata nga mapakita ang ila nga talento, adbokasiya kag kaalam sa national stage.
