Nagtukod sang isa ka global alliance ang Saudi Arabia agud iduso ang isa ka two state solusyon sa konflikto sa tunga sang Israel kag Palestinian, suno kay foreign minister Prince Faisal bin Farhan Al Saud.
Ang alyansa ang ginalakipan sang pila ka mga Arab kag Muslim countries kasubong man European partners suno sa Saudi state news agency apang wala ginspecify kun ano nga mga pungsod ang nagcommit nga makigbahin.
Suno kay European Union foreign policy chief Josep Borrel, ang una nga meetings ang patigayunon sa Riyadh kag Brussels.
Matapos ang pag-ibwal sang gyera sa Gaza sang tinalikdan nga Oktubre sa tunga sang Israel kag Hamas militants, ginpauntat anay sang Saudi Arabia ang isa ka plano nga suportado sang Estados Unidos agud mangin normal kuntani ang ila relasyon sang Israel
