Wala sang pagbag-o sa schedule sang duty sang mga traffic enforcers sa ciudad sang Bacolod, apisar sa tuman ka init nga temperatura.
Sa interview sang Bombo Radyo Bacolod kay Bacolod Traffic Authority Office (BTAO) Head Patrick Leonard Lacson, aminado ini nga may mga pagbag-o sa schedule sang mga traffic enforcers sa Metro Manila bangod sa kahalitan sang El Niño, apang panindugan sini nga wala sang kaangay nga pagpatuman sa ciudad sang Bacolod.
Suno diri, ginpamangkot man niya ang mga traffic enforcers kag nagapahayag ang mga ini nga masarangan paman ang init.
Sa baylo, ang ciudad sang Bacolod ang nagtalana na lamang sang budget para sa libre nga tubig sang mga traffic enforcers, agud nga sila ang mapabilin nga hydrated.
Paathag ni Lacson nga kun wala sa dalan ang mga traffic enforcers, madamo sang mga motorsita nga nagabantay lamang kag nagapasaway.
Kinahanglan man ang mga ini sa mga area nga masami nagabug-at ang traffic partikular na kun rush hours.
