Ginkumpirmar sang pinuno sang Bacolod Environment & Natural Resources Office (BENRO) nga ang mga street sweepers sa ciudad ang ginaschedule nga maninlo kun kaagahon kag hapon agud nga indi tuman kainit.
Sa interview sang Bombo Radyo Bacolod kay Ma. Fe Tresfuentes, ang schedule sang Street sweepers ang kaagahon kag sa hapon agud nga mabugnaw na para magpaninlo magluwas sa downtown area nga midshift apang mapping operations nalang.
Suno kay Tresfuentes ang schedule sang mga cleaners amo ang alas 4:00 ang takna sa kaagahon tubtob alas 10:00 ang takna sa aga kag alas 2:00 ang takna sa hapon tubtob alas 10:00 ang takna sa gab-i.
Suno diri, ang schedule sang cleaners ang shifting man.
Gin-abisuhan man sini ang mga personnel sang BENRO nga magreport sang mas temprano agud nga temprano man nga matapos ang routa nga gin-assign sa ila.
Wala man sang alarming medical conditions nga reported sa personnel sang BENRO.
Dugang nga panugyan sang BENRO Head nga magbalon sang tubig agud mangin hydrated sa tunga sang mainit nga panahon kag magdala man sang panaming sa init kaangay sang payong.
