Naggradwar bilang magna cumlaude kag nakapasar sa Licensure Examination for Teachers (LET) ang bata sang mangunguma kag isa ka scholar nga estudyante.
Sa interview sang Bombo Radyo kay Jonabelle Gundao, dako ang nangin bulig sang scholar sa pag-eskwela sini.
Sa walo sila ka mag-ululutod, bilang siya ang ika-lima, siya gid pa gid lamang ang nakatapos sa pag-eskwela.
Aminado man ini nga nangin mabudlay sa iya ang pag-eskwela kadungan man sa pagbulig sa iya pamilya.
Nakapaminsar man ini sadto nga mag-untat apang ginduso gid sini ang iya kaugalingon nga mag-eskwela.
Pagkuha naman sini sang LET exam, self rreview gid lamang ang ginhimo sini.
Pahayag ni Gundao, kun may oportunidad dapat nga kuhaon ini kag indi pag-usikan ang pagsuporta sang ginikanan sa pag-eskwela.
