Nagapasalamat ang school principal sang Bago City Elementary School nga safe ang mga estudyante sang nagluntad ang sunog kahapon sang hapon.
Sa interview sang Bombo Radyo Bacolod kay Mary June Cabalhin, School Principal sang Bago City Elementary School, dako nga ginapasalamatan sini nga wala na sang mga estudyante ang nakabalik sa eskwelahan kag wala na nadalahig sa nagluntad nga sunog.
Suno kay Cabalhin, sa lima ka kwarto duha diri ang ginaklasehan sang Grade 2, ang isa ginaklasehan sang Grade 4, isa ka bakante kag isa ka stockroom.
Suno diri, ang stockroom ang ginabutangan sang mga gamit sang mga manunudlo, may mga drums, laptops kag iban pa.
Ang nasunog nga building ang daan nagid kag nagakinahanglan na nga i-repair.
Apisar sang nasunog nga building wala man sang cancellation sang klase bangud may mga alternative man sila nga classroom nga mahimo gamiton sa pagklase.
