School supplies sang public elementary students sa Bacolod, sa Enero 18 ipanagtag

Sa Enero 18 sa masunod nga tuig nakatalana nga ipanagtagtag ang school supplies para sa mga public elementary students sa ciudad sang Bacolod.

Sa interview sang Bombo Radyo kay Executive Assistant to the Mayor Moises Dela Cruz, ginpahayag sini nga ipanagtag na nila ang school supplies sa kapin 78 mil ka mga estudyante sa Enero sa madasun nga tuig matapos mag-abot na ang insakto nga specification sini subong nga bulan.

Madumduman nga ginpabalik ang nauna nag-abot nga school supplies bangud indi husto nga classification sini.

Ginpakigbahin man sini ang plano sang ciudad nga maghatag sang bag sa school year 2020-2021 kag igaproseso na nila ini sa bulan pa lamang sang Enero agud mahatag sa bulan sang Mayo ukon Hunyo sa masunod nga tuig.