Nagbalik na ang sea trips Negros Occidental – Cebu vice versa.
Sa interview sang Bombo Radyo Bacolod kay Coast Guard Commander Jansen Benjamin, Commander sang Coast Guard Station – Northern Negros, kadungan sa pagbatak sang Storm Signal No. 1 sa Northern Negros Occidental kag Cebu alas-8:00 kaina sang aga, automatic man nga nagresume ang byahe sang barko.
Bangod sini, buksan na ang byahe gikan sa Escalante, Sagay, kag San Carlos ports padulong sa Tabuelan kag Toledo port.
Paathag ni Benjamin nga santo sa polisa sang Philippine Coast Guard sa movements of vessel, basta may-ara sang storm warning signal sa port of origin ukon destination, automatic naman nga kanselado ang byahe.
Bangod yara gihapon sa Storm Signal No. 1 ang Iloilo, indi gihapon makatabok ang mga barko gikan sa Bacolod City vice versa.
Panawagan ni Benjamin sa mga byahero nga antes magpadulong sa port, tsekyaron anay ang weather forecast agud malikawan ang pagkastranded.
