Temporaryo nga gin-untat ang search and retrieval operations sa Southern Negros Occidental bangud sa malain nga tiyempo dala sang Bagyo Uwan para man sa safety sang responders.
Suno kay Negros Occidental PDRRMO Head Irene Bel Plotena, passable ang dalan nga apektado sang Bagyong Tino magluwas nalang sa dalan halin sa La Castellana padulong sa Canlaon City.
Suno kay Plotena, nagdangat na sa 2,834 totally damage kag 70,989 partially damaged nga balay.
May naguba man nga school buildings, taytay, government offices, mga dalan kag overflows.
Nagdangat sa 35 million ang damage sa agrikultura kun sa diin 28 million diri ang damage sa rice corn, High Valued crops kag ang fisheries ang nakarecord sang 6.470 million damages naman sa fish sector.
Samtang sa livestocks P307,138 ang balor sang damages.
Samtang may yara pa sang evacuees nga wala pa nakapauli sa ila tagsa ka mga balay kag ang iban ang ginhawiran anay bangud sa Bagyo Uwan.
Ginpahayag man sini nga may yara sang delays sa komunikasyon bangud tubtob sa karun wala pa nabalik ang signal sang telecommunication company.
Nagpatigayon sang pre-emptive evacuation ang banwa sang Toboso, Silay, EB Magalona, Hinigaran, Himamaylan, La Carlota City, San Enrique kag Pontevedra.
