Wala sang byahe sa tanan nga seaport sa Negros Occidental kasunod sa signal warning nga yara sa signal no. 1 ang probinsya.
Sa interview sang Bombo Radyo Bacolod kay Commander Jansen Benjamin, Commander sang Coast Guard Station-Northern Negros, automatic nga wala sang byahe basta may yara sang signal warning.
Suno diri, may yara sang isa ka fastcraft vessel nga nagbyahe alas- 8:00 kagab-i gikan sa ciudad sang San Carlos padulong sa ciudad sang Toledo, Cebu nga may sakay nga 57 ka mga pasahero.
Apang wala naka-abot sa Toledo port ang fastcraft bangod sa mabaskog nga pagbalod.
Bangod sini, nadesisyonan nga ibalik na lang ang mga pasahero sa port sang San Carlos.
Nastranded naman ang 121 ka mgna pasahero sa seaport sang BREDCO, Banago kag Escalante.
Panugyan ni Benjamin sa mga may plano nga magbyahe mas maayo nga magbantay sa weather forecast agud nga indi mastranded kag sa mga mananagat naman, mas maayo nga ipa-iway ang pagpanagat bangod sa makusog nga pagbalod.
