Gina-amat amatan na sang lokal nga pamunuan sang ciudad sang Talisay nga makay-o ang seawall nga narumpag sa Dalan Pala-pala, Catabla, Barangay Zone 3 tuga sang pagbaha sang Enero 8.
Sa interview sang Bombo Radyo kay Barangay Zone 3 Kagawad Jubert �Lambi� Malaga, Enero 9 sang kaagahon sang narumpag ang seawall bangud sa pagbaha.
Pagka-aga, nagbayanihan gilayon ang mga taga Catabla sa pagtampok sang mga bato sa narumpag sa seawall.
Suno kay Malaga, gilayon man nga ginpadulungan ni Talisay City Mayor Niel Lizares ang lugar kag sang mga katapo sang City Disaster Risk Reduction Management Office (CDRRMO) kag pila ka mga opisyales sang ciudad agud tsekyaron ang dalan kag mahatagan sang solusyon.
Matapos ang duha ka adlaw, temporaryo nga gin-patampokan sang local government ang seawall sang dugang pa gid nga dalagkoan nga bato, sinako nga mga balas, kay kawayan nga amo ang nagasagang sa bato kag sako agud indi mag-os-os..
Gindugang pa sang kagawad nga malab-otan pa isa ka bulan ang hulaton antes mahuman gid sa pagkay-o sang seawall bangud maagi pa ini sa City Planning kag sa pila pa ka mga proseso rason nga hugot gid ang ila pagbantay sa area agud indi matambayan sang mga pumuluyo, ilabi na sang mga kabataan.
May yara man sang mga barangay tanod nga nagabantay sa area kag naga-pahanumdum ang mga opisyales sa mga pumuluyo nga magkooperar agud makalikaw sa disgrasya.
